פיוט - אדני שמעתי שמעך

 

 

יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:
יְהֹוָה,  שָׁמַעְתִּי וְנִרְגַּזְתִּי יוֹם בּוֹ תִּפְקְדֵנִי. זָחַלְתִּי וְחַלְתִּי, יוֹם בּוֹ תְּדִינֵנִי. הָשְׁפַּלְתִּי וְנִבְהַלְתִּי פֶּן בְּאַפְּךָ תַּמְעִיטֵנִי, כִּי גָדוֹל יוֹם יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:
יְהֹוָה, מִי לֹא יִירָא מִיּוֹם דִּין הַנּוֹרָא. כִּי לְךָ יָאֲתָה גְדֻלָּה וּגְבוּרָה. בַּאֲתַר דִּי זְקוּקִין דְּנוּרָא, מִי יַעֲמֹד בְּסוֹד יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:
 
יְהֹוָה, מֶלֶךְ יוֹשֵׁב עַל כִּסֵּא דִין. סְבִיבָיו שְׂרָפִים עוֹמְדִים עַל מִדִּין. כִּי כֵן דְּבַר הַמֶּלֶךְ לִפְנֵי כָּל יוֹדְעֵי דָת וָדִין, לְהַגִּיד כִּי יָשָׁר יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:
יְהֹוָה, מֶלֶךְ אַדִּיר מַשְׁפִּיל וּמֵרִים. בְּמֵימַר קַדִּישִׁין וּבִגְזֵרַת עִירִין. מְפוֹצֵץ סְלָעִים וּמְשַׁבֵּר הָרִים, כָּל מוֹצָא פִי יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:
 
יְהֹוָה, לִפְנֵי חֵילוֹ קָרֵי בְחַיִל. מָאן בָּעֵי סַם חַיֵּי וְהוּא בֶּן חָיִל. יָקוּם בְּטֶרֶם יִתְעַוְּתוּ אַנְשֵׁי הֶחָיִל. וְיָשֹׁב אֶל יְהֹוָה.
 
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:

יְהֹוָה, לִבִּי מִלַּהֲבֵי אֵשׁ רִשְׁפְּךָ בּוֹרֵחַ. נוֹרָא בְּעַם רָם בְּמַר צוֹרֵחַ. אֵיךְ יַעֲלֶה וְיָבֹא קֵרֵחַ, אֶל מְקוֹם שַׁלְהֶבֶת יָהּ יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:

יְהֹוָה, עֲנֵה עָנִי הָעוֹמֵד לְפָנֶיךָ. כְּדַל שׁוֹאֵל מְבַקֵּשׁ סְלִיחָתֶךָ. תָּכִין לִבָּם תַּקְשִׁיב אָזְנֶךָ, נְסָה עָלֵינוּ אוֹר פָּנֶיךָ יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:

יְהֹוָה, נַחֲלֵי דִמְעוֹתַי מֵעַי הִרְתִּיחוּ. גַּחֲלֵי חַטֹּאתַי טוּחוֹתַי הִקְדִּיחוּ. דִּינָא יְתִב וְסִפְרִין פְּתִיחוּ, לִפְנֵי הַמֶּלֶךְ יְהֹוָה.
 
יְהֹוָה, שָׁמַעְתִּי שִׁמְעֲךָ יָרֵאתִי, יְהֹוָה:

יְהֹוָה, סִפְרֵי חַיִּים וּמֵתִים לְפָנֶיךָ נִפְתָּחִים. בְּחַסְדֵי אָבוֹת רִאשׁוֹנִים אֲנַחְנוּ בְּטוּחִים. תִּכּוֹן תְּפִלָּתֵנוּ כְּרֵיחַ נִיחוֹחִים, פָּעָלְךָ בְּקֶרֶב שָׁנִים חַיֵּיהוּ יְהֹוָה.